Вештачката интелигенција успешно заврши нов потфат. Научниците во тимот на Google Brain, покажаа дека компјутерите можат самите да си го криптираат сообраќајот и да си испраќаат „пораки“. Со ова компјутерите би можеле да го скријат сообраќајот во иднина, но целиот проект е само тест.
Експериментот е малку посложен. Истражувачите Мартин Абади и Дејвид Андерсон од Google вклучија три компјутери: „Алис“, „Боб“ и „Ева“. Алис треба да создаде енкрипција и да му ја испрати на Боб. Боб треба да ја дешифрира оваа порака. Ева треба да ја украде пораката. Алис и Боб го знаат клучот; Ева не го знае клучот. Вештачката интелигенција „не знае“ како до го криптира сообраќајот или која техника да ја користи.
Тестот беше повторен 15.000 пати, по што Боб успеа точно да ја претвори пораката во текст. Ева успешно погоди 8 од 16 бити, со оглед на тоа дека битовите се 1 или 0 резултатот е како погодување на слепо.
Најголемиот проблем на практична примена на тестот е што е непознато како вештачката интелигенција го креира криптирањето. Поради тоа и самата безбедност на целиот процес е непозната. Поради ова во прво време технологијата нема да има практична примена констатира Engadget.
Повеќе за ова истражување, тука.
