Додека траeше инаугурацијата на претседателот на САД, Доналд Трамп, програмери и научници ги префрлаа податоците за климатските промени со цел да ги заштитат информациите. Група од шеесет програмери и научници на универзитеот UCLA ги префрли податоците од американски сервери и ги префрли на сервери лоцирани во Европа.
Ова беше претходно испланирано и требаше да се случи во првите 100 дена на новата администрација. Но, откако веднаш по инаугурацијата исчезнаа дел од владините .gov веб-страници поврзани со информации за климатски промени, групата одлучи да го забрза процесот. Промените се вообичаени по менувањето на администрацијата во САД; но овој пат наеднаш исчезна секое спомнување на „климатски промени“ на владините сајтови, пренесе Quartz.
Научниците и програмерите беа решителни да ги префрлат сите податоци кои ги поседуваат на безбедно. Организирани се настани за спасување во: Филаделфија, Чикаго, Индианаполис и Детроит. Последниве недели се спасуваа податоци од EPA.gov, NASA.gov, DOE.gov и WhiteHouse.gov.
„Посакувам да не сме во право и залудно да се грижевме. Но, за ова се подготвувавме.“, вели член на групата, г-дин Бетани Вигин.
Следните 100 дена, волонтери ќе ги скенираат страните и ќе ги споредувааат со архивите од пред промените. Потоа овие наоди ќе се споделат со јавноста. Податоците ќе се споделат во САД, но и во бази надвор од САД, како Канада и Европа.
„Креиравме огромен архивски облак кој пребарува по веб-страниците за да ги зачува. Мислев, еј, ја имаме целата инфраструктура.“, вели Мајкл Рејдук од канадската компанија Page Freezer. „Се слушнав со Вигин и реков, можеме да ги архивираме овие податоци за вас, па потоа да најдеме начин како да ги презентираме“.
Еден ден по инаугурацијата тимот на Рејдук архивира најголем дел од веб-страниците. Page Freezer има 3 дата-центри: во САД, Канада и Европа. Центарот во Европа има најмногу простор па податоците се префлени на овие сервери.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
