Xiaomi го претстави новиот паметен телефон Pocophone F1, кој најверојатно е најевтиниот уред кој доаѓа со Snapdragon 845. Вообичаено поевтино значи дека некаде се штедело, но изгледа дека ова не е случај.
Телефонот чини само 300 долари, а доаѓа со процесор кој се наоѓа во сите уреди од висока класа. Секако 300 долари и не се малку пари, но вообичаено цената на уредите со ваков хардвер е 2 до 3 пати повисока.
Малку е тешко да се забележи на што штеди Xiaomi кога ги прави овие телефони. Основната верзија на Pocophone F1 доаѓа со 6GB RAM и 64GB диск, поскапата верзија доаѓа со 8 GB RAM и 256 GB диск. Телефонот доаѓа со 6,18-инчен LCD дисплеј; 20 MP предна камера и голема 4000mAh батерија. Задната камера не е спектакуларна, но е и повеќе од адекватна со 12MP и 5 МР дуал камера и f/1.9 сензор од Sony.
Интересно, од Xiaomi велат дека идејата за телефонот е од самите корисници и од каналите на Reddit.
„Читавме корисници кои бараа телефони со поголема батерија и подобар процесор, а не подобро заштитно стакло“, вели Џаи Мани од Xiaomi India за Engadged.
Засега телефонот е најавен за Индија. Сепак Xiaomi најави дека од 27 август телефонот доаѓа во Париз, Хонгконг и Џакарта.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
[…] Xiaomi Pocophone F1 […]