Најавениот сервис на Sony, PlayStation Now ќе овозможи стрим на видеоигри на PlayStation 4 или на PC. Претплатата ќе биде помеѓу 15 и 20 долари во зависност од должината на периодот. Сервисот доаѓа оваа година, јави TechCrunch.
„Возбудени сме што може да објавиме дека ќе го прошириме PS Now каталогот. Додаваме нова платформа, PlayStation 4 видеоигри. Сите игри на сервисот вклучувајќи ги и PS4-игрите ќе бидат вклучени со PS Now претплата.“, објави PlayStation на својот блог.
Ќе станува збор за гејминг на облакот, па игрите нема да се инсталираат локално, туку ќе се играат на серверите на Sony. Ова овозможува играње и на игрите кои имаат значителни хардверски спецификации да работат и на најслабите компјутери.
Новитетот и додавањето на PlayStation 4 игри најверојатно ќе значи и надградба на податочните центри на компанијата. Засега нема најава кои ќе бидат првите PlayStation 4 игри што ќе може да ги играме на PC, но најверојатно тоа ќе го дознаеме наскоро.
PlayStation Now постои од пред неколку години, но до неодамна беше платформа на која можеа PlayStation 3 игри да се играат и на други платформи. Дел од поддржаните уреди беа PlayStation 3, PlayStation Vita, PlayStation TV и телевизорите Sony Bravia. Sony пред 5 години го купи Gaikai, која тогаш беше една од најветувачките гејминг-преку-облак платформи. Компанијата во февруари објави дека ја прекинува услугата на дел од уредите. Се чини дека токму оваа надградба е причината за тоа.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
