Неколку од најпопуларните лаптопи од Lenovo, немаат можност за инсталирање на Linux. Станува збор за дел од серијата лаптопи на Lenovo, Yoga. Засега пропустот е забележан и потврден за неколку модели:
- Yoga 900,
- Yoga 900S и
- Ideapad 710S.
Лаптопот не е нов, во продажба е неколку месеци, па можеби изненадување е што проблемот е забележан волку доцна.
Гневот на дел од корисниците го разбуди коментар на форумот на Best Buy, од корисник, кој изгледа дека е вработен во Lenovo. Тој објасни дека причина за забраната е договорот кој Microsoft го има со Lenovo. Сепак, проблемот е во драјверите и кернел поддршката за SSD со RAID.
„За подобри перформанси индустријата се предрла на RAID на SSD, а Lenovо е лидер во промените. Компанијата не блокира корисници од користење на други оперативни системи на своите уреди, но другите оперативни системи мора да издадаат соодветни драјвери.“, пренесе TechRepublic.
