Најпиратираните филмови се тие кои фановите не можеле да ги најдат легално на друго место, вели PiracyData.org. Сајтот ги презентира најпиратираните филмови според статистика од TorrentFreak и прикажува дали се достапни за стримање, дигитално изнајмување или дигитално купување.
Иако 6 од 10-те најпопуларни филмови се достапни да се купат онлајн, само Lone Ranger, After Earth и This is the End се достапни да се изнајмат дигитално, а ниту еден не е достапен за стримање. Тоа што е чудно е што изнајмувањето филмови беше одличен бизнис кој функционираше со години. Луѓето земаа и враќаа филмови од видеотеките, но до сега ниту еден дистрибутор не успеа да го пренесе тој бизнис на Вебот. Проблемот со купување на филмови е што некои од нив, како Monsters University, се достапни на iTunes за 20 долари, што е висока цена за филм кој ќе го погледнете еднаш или два пати. Според сајтот, во последните три недели само 53 отсто од најпиратираните филмови биле достапни за легално гледање.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
