Ransomware нападите не се опасност единствено за компјутерите или паметните телефони. Неодамнешниoт твит на Дерен Каутон покажува дека и телевизорите не се имуни на овие напади. На фотографијата може да забележиме дека неговиот телевизор е инфициран со Cyber.Police ransomware, пишува Bleeping Computer.
Family member’s tv is bricked by Android malware. #lg wont disclose factory reset. Avoid these “smart tvs” like the plague. pic.twitter.com/kNz9T1kA0p
— Darren Cauthon (@darrencauthon) December 25, 2016
За жал г. Каутон нема проблеми единствено со напаѓачите. Производителот LG не сака да му каже како да го врати телевизорот на првичното фабричко поставување. Наместо тоа за сервисирање LG бара 340 US долари. Вообичаено враќањето на фабричкото нагодување е едноставен процес ако ја знаете командата или копчето. Дополнително, цената на отклучувањето на LG e малку помала од 500 долари колку што бараат напаѓачите. Со оглед на тоа дека станува за постар модел на телевизор, можеби на г. Каутон најисплатлива варијанта, а и најевтина му е купување на нов телевизор.
Телевизорот е инфициран откако, за да гледаат некој филм, роднини на г. Каутон преземале неименувана апликација за гледање на филм. На сред филм телевизорот се замрзнал. Нема податок за изворот на апликацијата, односно дали е преземена од Play Store или од некој сомнителен пазар.
Дискусија, совети и патешествија на македонски интернет корисници на тема ransomware може да прочитате на темата Ransomware – како да се заштитите.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
