Во чест на триесетгодишницата, францускиот издавач продолжува со подарување по една игра секој месец. Кампањата започна во јуни, а ќе трае сè до средината на декември.
Far Cry 3: Blood Dragon е самостојна експанзија, односно Far Cry 3 спин-оф од 2013-та година. Играта беше ненадеен хит и успееја да ги импресионира гејмерите со исмејувачкото гледиште на акционите филмски хитови од осумдесеттите години. Играта го користи истиот енџин и механики од Far Cry 3, но препознатливото дрво со вештини е заменето со поедноставна алтернатива која автоматски отклучува предности секој пат кога ќе го зголемите левелот. Системот за изработка (crafting) е целосно исфрлен.
Бидејќи се работи за самостојна експанзија, нема потреба од Far Cry 3 за да можете да ја играте.
За преземање и играње на Blood Dragon потребна е употребата на клиентот на Ubisoft – Uplay!
Со излегување и на оваа игра, нѝ остана само уште една игра од дарежливите Французи. Бесплатните игри од претходните месеци беа Prince of Persia: The Sands of Time, Tom Clancy’s Splinter Cell, Rayman® Origins, The Crew и Beyond Good and Evil.
Која игра би сакале да биде бесплатна во декември?
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
