Овен Вилсон и Винс Вон ќе стажираат во Google. Се разбира станува збор за филмско сценарио во кое ѕвездите од „Уништувачи на венчавки“ овој пат ќе глумат стажанти во Google. Името на филмот е Стажанти (The Internship), a изборот на актерите не остава простор за сомневање дека станува збор за комедија.
Според сценариото, главните актери глумат 40 годишници кои ќе бидат отпуштени од работа, а потоа смислуваат планови како да се протнат во Google. Во интервју за Huffington Post, главната улога и сценаристот Вон изјави „Забавно е да се работи на R-рангирани комедии повторно”.
Режисер на филмот ќе биде Шон Леви, а еден од двајцата актери, Винс Вон e и сценарист на филмот. Локацијата на која ќе се снима филмот сепак не се канцелариите на Google, туку зградата и кампусот на универзитетот Georgia Tech.
