Со неодамнената аквизиција на DeepMind Technologies се чини дека Google започнува да го комплетира одделот за роботика во Google X лабораторијата. Иако засега е непознато точно која ќе биде функцијата на DeepMind дел од шпекулациите веќе се во насока дека последната аквизиција ќе биде задолжена за „мозокот“ на Google роботите. Претходно во Google X тимот се приклучија Schaft Inc, Boston Dynamics, Industrial Perception, Redwood Robotics, Meka Robotics, Holomini и Bot & Dolly. Најголем дел од овие компании изработуваат роботи, но дел од нив работат на сегменти, односно делови кој се инсталираат во роботите.
Holomini е компанија која изработува тркала кои можат да се движат во било која насока, па ако DeepMind e главата тогаш Холомини секако ќе бидат нозете во овој проект на Google. Redwood Robotics пак е целосно посветена на креирање на совршени роботски раце, креаторот на стартапот Арон Едсингер вели дека за рацете за роботи сака да го направи она што Apple го направи за комјутерите. Bot & Dolly всушност изработуваат автоматизација во опремата за снимање на филм или специјални ефекти. Нивните роботи и автомати се пред се супер прецизни и се одликуваат со широк спектар на движења.
Meka Robotics пред приклучувањето на Google X работеше на робот кој во иднина треба да работи рамо до рамо со луѓето. Компанијата е толку посветена што нивниот робот M1 Mobile Manipulator може да покажува емоции преку гримасите кои ги прави.
[youtube]8oU92Tt-yG0[/youtube]
[youtube]Plo7SH9aBgg[/youtube]
[youtube]SD6Okylclb8[/youtube]
[youtube]diaZFIUBMBQ[/youtube]
Доколку на ова се додадат Google пребарувањето, гласовниот асистент на Google и гласовното пребарување се чини дека тимот е на добар пат да го креира Skynet и армијата роботи.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
„…..тимот е на добар пат да го креира Skynet и армијата роботи.“….
ОУУУУ, ШИТ!
ne se za djabe praveni filmovite……….