Ова се првите апликации од Windows 8 Store

Тhe Verge ги откри првите игри т.е. првите апликации кои ќе бидат претставени во Windows 8 Store. Култните Pinball и Solitaire ќе доаѓаат преинсталирани на Windows 8, додека игриве подолу ќе бидат дел од понудата на Windows 8 Store, но не се знае дали ќе бидат бесплатни или платени. Еве ја листата:

• Hydro Thunder
• Toy Soldiers
• Reckless Racing
• Angry Birds
• Ilomilo
• Rocket Riot
• Full House Poker
• Tentacles
• Crash Course
• Ms Splosion Man
• Wordament

Оваа продавница на Microsoft не е наменета за мобилните телефони за чии продавници постојано читаме, туку налик на Mac App Store, е наменета за апликации за десктоп компјутери и таблет компјутери. Новиот Windows 8 ќе има двоен интерфејс, еден е стандарден како што го познаваме на декстоп компјутерите, а другиот е дизајниран за таблет компјутерите.

Програмерите ќе можат да закачуваат апликации и игри на продавницата и ќе можат да наплаќаат од 1,5 до 999 долари. Microsoft ќе зема 30 отсто од трансакцијата, или 20 отсто ако апликацијата надмине 25.000 долари во продажба.