Конечно по неколку години најави и шпекулации Amazon го претстави Fire Phonе, првиот телефон на најголемата светска продавница. Уредот чини 199 долари и ќе виде достапен од 25 јули, но со двегодишен договор. Телефонот, кој беше презентиран од основачот на Amazon, Џеф Безос, на презентација во Сиетл, има одличен хардвер. Екранот е 4.7-инчен HD; со Qualcomm Snapdragon 800 четиријадрен процесор на 2.2 GHz; Adreno 330 графички процесор; 2GB RAM и 32 GB слободен простор. Телефонот доаѓа со 13 МР камера, а г. Безос тврди дека без разлика на каква е ситуацијата Fire ќе креира подобри фотографии од iPhone 5S и Samsung Galaxy S5. Ова не треба да изненади никого, бидејќи телефонот дури има четири предни камери кој овозможуваат динамична перспектива и 3Д.
Што се однесува до оперативниот систем, слично како и таблет компјутерите ќе доаѓа со модифицирана верзија на Android. Телефонот доаѓа со сите услуги кои ги нуди Amazon Prime: Prime Music, Prime Video, а тука е и Wisp Sync апликација која за дел од книгите овозможува „нарација“ или читање. Сепак можеби најважната функција која ја има Fire Phone за Amazon е Firefly функција која овозможува работите кои ги пронаѓате во светот пред вас да ги пронајдете и купите од Amazon. Firefly овозможува и препознавање на музика која повторно можете да ја пронајдете во Amazon.
[youtube]pgcvyS4uJ2E[/youtube]
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
