Креаторите на Android гејминг конзолата Ouya стартуваат Free the Games фонд кој ќе инвестира средства во игрите еднакви на сумата која креторите ќе ја соберат на Kickstarter. Се разбира станува збор за игри кои се изработуваат со поддршка за Android конзолата и ќе имаат 6 месеци ексклузивитет за Ouya.
Сепак за да може да се финансираат што повеќе проекти, и да се задржи квалитетот, средствата се ограничени од 50.000 до 250.000 долари. Проектот за почеток ќе трае една година – од 9 август 2013-та до 10 август 2014 година. По се изгледа главна цел ќе биде да се зголеми бројот на развивачи кои дизајнираат игри за новата конзола. Засега бројот на регистрирани развивачи за Ouya е 20.000.
Имајќи во предвид дека се повеќе независни дизајнери, но и познати креатори на незаборавни игри се одлучуваат за собирање на средства прекu Kickstarter и сликите крауфундинг сервис, нема сомнеж дека проектот ќе биде успех. Ќе биде интересно да видиме дали ваквата фондација ќе успее да реши еден од проблемите кои ги имаат речиси сите нови конзоли, а тоа е недостаток на содржина.
