Како четврта верзија, Novabench поефикасно извршува тестови врз хардверот на вашиот компјутер. По инсталирањето, алатката врши најразлични benchmark тестови и ви дозволува да ги споредувате резултатите онлајн за да пробате да видите дали има некои потенцијални проблеми. Тестовите се вршат на вашиот процесор, графичка карта, поточно Direct3D 11 и OpenCL, меморија и брзина на читање и запишување податоци на хард дискот. Финалниот приказ го споредувате со илјадници слични системи, а и лесно можете да наидете на совет за понатамошни чекори.
Novabench се испорачува во инсталациона или пренослива форма, а најновата верзија има редизајниран интерфејс и надополнети тестови за процесорот. Горе споменатите Direct3D 11 и OpenCL се нови тестови за графичката карта, како и тестовите за проверка на брзината на дискот. Сајтот за споредување на вашиот компјутер со останатите конфигурации е исто така подобрен.
Еднократна финансиска посвета од 19 долари, ви ја дава на располагање професионалната веризја на Novabench. Во неа ќе најдете можности за следење и бележење на температурите на процесорот, тестирања во одредени временски интервали и интерфејс за команди и извршување тестови од далечина.
Novabench е за Windows 7/8+/10 или MacOS, а тежи нешто повеќе од 90MB.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
