xCloud е стриминг услугата за Xbox игри на Microsoft. Услугата е достапна за користење преку најразлични Android направи за сите претплатници на Game Pass Ultimate. Пред неколку месеци, Microsoft објави дека на пролет се очекува овозможување на истата услуга и директно преку прелистувач. Новиот извештај на The Verge, меѓутоа, покажа како сето тоа всушност би изгледало.
Корисниците на стриминг услугата на Google – Stadia веднаш реагираа дека има премногу сличности помеѓу двете услуги. Како додатен плус, xCloud ќе им дозволи на играчите да продолжат со играње преку прелистувач на одредена игра која претходно ја играле на нивната конзола. За такво нешто ќе треба да имате приклучено гејмпад.
Game Pass претплатата одлично функционира во Македонија. За предностите пишувавме нашироко тука. Македоците без проблем можат да уживаат во Game Pass Ultimate предностите, во сè освен во xCloud. За жал, оваа услуга не е дозволена во Македонија, дури и програмот не можете да го преземете директно од Google Play продавницата. Доколку ја преземете апликацијата како .apk фајл и ја инсталитате ќе можете без проблем да пристапите кон неа, но не и да започнете гејминг сесија. Да се надеваме дека работите ќе се сменат на пролет.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
