До излегувањето на Just Cause 4 има нешто повеќе од месец дена, но тоа не го спречи одговорното студио да исфрли трејлер за тоа какви сѐ содржини би можеле да нè очекуваат по излегувањето на основната игра.
Just Cause 4 ќе излезе на 4.декември, но за 2019 година се планираат три, одделни додатоци. Првиот додаток се вика Dare Devils, а има за цел да ве соочи со подземните банди и да ве втурне во адреналински и смртоносни трки. Вториот додаток се вика Demons, a тука ќе се борите против вистински древен демон. По се изгледа, студиото позајмува трик-два од сезонската пропусница за Far Cry 4 и се распливнува во крајно откачени насоки. Со третото DLC, Рико ќе се сретне со поранешен работодавец кој ќе му понуди арсенал од технолошко напредни, деструктивни оружја.
Сево ова некако го наметнува прашањето за хардверската побарувачка и кој сè и до кој степен ќе може да ужива во максималното сеење хаос. Минималната цена на пристап се сведува на Intel Core i5-2400 процесор, 8GB RAM и Nvidia GeForce GTX 760 графичка карта. Препорачаната конфигурација, меѓутоа, бара значително поголема посвета, како Intel Core i7-4770 процесор, 16 GB RAM, и Nvidia GeForce GTX 1070 со 6GB VRAM. Оние кои би сакале да ја искусат играта во цела слава и да се втурнат во 4К блаженство, потребно е да имаат Intel Core i7-7700, во комбинација со 16 GB RAM, и NVIDIA GeForce GTX 1080 Ti.
Златната едиција на Just Cause 4 ја содржи сезонската пропусница, но чини 30 евра повеќе.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
