Основачот на контроверзниот Wikileaks, Џулиан Асанж, ќе добие азил во Еквадор. Веста доаѓа од официјални претставници на властите во Еквадор, јавува Guardian. Г. Асанж се крие веќе два месеци во еквадорската амбасада во Лондон, од 19 јуни кога побара азил за да се спаси од екстрадиција во Шведска каде е обвинет за силување на две девојки.
Но, иако еквадорците му го одобрија барањето, сепак за да стигне во јужно-американската земја, г. Асанж ќе мора да излезе од амбасадата. Британските власти сè уште не му гарантираат безбедно поминување и голема е веројатноста тој да биде уапсен на патот до аеродромот.
Сепак претсетателот на Еквадор, Рафаел Кореа, кој е и близок пријател на г. Асанж, по излегувањетот на веста објави на својот Twitter профил дека одлуката за азил за сè уште не е донесена. Според претходната објава претседателот чекаше да завршат Олимписките Игри, а својата одлука ќе ја донесе најдоцна до петок.
Rumor de asilo a Assange es falso. Todavía no hay ninguna decisión al respecto. Espero informe de Cancillería.
— Rafael Correa (@MashiRafael) August 14, 2012
Асанж е баран во Шведска поради тужба за силување и напад на две жени. Оваа тужба, и неговото апсење, се случија откако Wikileaks објави илјадници доверливи дипломатски документи. Според основачот на контроверзниот сајт, неговата екстрадиција во Шведска е политичка игра, дел од поголем план за да биде префрлен во САД за каде ќе стравува за својот живот.
