Павел Дуров, поранешен херој претприемач во Русија и креатор на најголемата руска друштвена мрежа ВКонтакте, сега смета дека е во немилост на руските власти, па своето време го поминува селејќи се од една во друга држава, јави New York Times.
„Имаа оружје и изгледаа сериозно… Изгледаше дека сакаат да скршат вратата“, вели г. Дуров за моментот кога руските специјалци се појавиле на вратата на неговиот дом во Санкт Петерсбург. Оттогаш „рускиот Закерберг“ се појавува на конференции во западните држави од Лондон до Сан Франциско, претставувајќи ја новата апликација Telegram наменета за приватни и безбедни разговори.
„Најдобрата работа во Русија бо ова време (2006) беше што Интернетот беше потполно нерегулиран. На повеќе начини бевме полиберални од САД“, вели г. Дуров. За жал со доаѓањето на Владимир Путин на власт ова се промени, државата престана да гледа на Интернет како на можност за алтернатива на нафтената индустрија и можност за поразнолика индустрија во Русија.
Од пред неколку месеци VKontakte е во сопственост на Mail.ru најголемиот интернет провајдер во Русија, кој е сопственик и на втората руска социјална мрежа Odnoklassniki. Дури и поред ова г. Дуров се жалеше дека Vkontakte е под целосна контрола на Владимир Путин.
„Во времето додека бев во Русија, посетував многу богати луѓе. Посетував големи бродови, приватни авиони, куќи – убеден сум дека не ги сакам овие работи за себе. Среќен сум вака, без имот… Се сметам за жител на целиот свет“, додава Павел Дуров.
"Интернетот" бе дечки. Се членува зборот. Поздрав