години. 
Со PeaZip се дружиме од седмата верзија. Ова е исклучително моќна алатка за компресија која ви дозволува работа со 218 формати, никако неисклучувајќи ги и ZIP, RAR, и 7z. Неодамна излезе осмата верзија која се труди да ја продолжи истата мисија за лесно и ефикасно справување со компресирани податоци.
Со PeaZip 8 конечно можете да изберете што да се случи кога двојно ќе кликнете на некоја архива. Имено, можете да изберете да се отвара преку алатката и да ги прикаже податоците во неа, но сега можете и да изберете автоматски да се направи екстракција на податоците во фолдер до самата архива, што значително го забрзува процесот.
Паралелно со ова, значително полесно можете да прегледувате и подредувате податоци според имињата, видот, и големината. Исто така, секојпат кога ќе повлечете некоја архива врз PeaZip, автоматски ќе се отвори истата, без да се бара, како претходно, да кликнувате на ОК.
PeaZip ги шифрира вашите датотеки со лозинка од 12 карактери (претходната верзија беше до 8 карактери). Сега можете и да изберете автоматски да ви се создаде безбедна лозинка.
