Oppo се подготвува да издаде мини верзија на 5.9-инчниот Oppo N1. Новата верзија се појави на сајтот на кинескиот производител, заедно со детали за телефонот. Иако станува збор за мини-верзија, телефонот сепак доаѓа со 5-инчен дисплеј.
Иако хардверот останува мистерија од тоа што се забележува на сликите е дека и мини верзијата ќе биде изработена од пластика. Како и Oppo N1 и мини верзијата доаѓа со ротирачка 13 МР камера која може да се користи како предна и задна камера. Oppo N1 mini доаѓа со LTE поддршка и ќе тежи 150 грама. Оперативниот систем на телефонот е Color OS 1.4 Android ROM од компанијата, а дополнителен податок е дека телефонот ќе доаѓа со помала батерија 2,140 mAh. Компанијата закажа настан за 10 јуни кога најверојатно, ќе се појават првите официјални податоци за телефонот.
