Сигурен и брз прелистувач е исклучително важна работа за сите, а не само за гејмерите. Но, доколку сте гејмер, би можеле особено да бидете импресионирани од специјалната верзија на Opera прелистувачот.
И во поглед на функционалноста и во поглед на изгледот, Opera GX изгледа како да е од иднината, со футуристички дизајн и со бројни опции спакувани од сите страни. Со само неколку кликови доаѓате до ограничувачи за вашиот процесор, RAM и мрежа. Правилна употреба на овие ограничувачи би требалио да ви помогне да го извлечете максимумот при гејминг и прелистување.
GX Corner ве опсипува со бесплатни игри, зделки и вести за најновите игри, додека засебните копчиња за Twitch и Discord инстантно ви дозволуваат да се префрлите на вашата омилена платформа. Тука некаде, ќе наидете и на вграден плеер кој се поврзува со сите најпознати стриминг платформи, но и на опција за непречено интегрирање со социјалните мрежи Facebook Messenger, Telegram, Vkontakte, TikTok и слично! Се е на дофат на прстите.
Дополнително, Pinboards ви дозволува да сочувате и споделувате најразлични мултимедијални податоци на кои наидувате при прелистување страни, а опцијата Flow ви дозволува да скенирате QR код за непречено поврзување на вашиот телефон со компјутер.
По недела дена тестирање, исклучително сме задоволни од бројните опции со кои се одликува Opera GX, но и футуристичкиот начин на кој ги прикажува, со импозантниот дизајн и инетересни теми. Кога и да се навратиме на Chrome, не можеме да се ослободиме од впечатокот дека тоа не ни е доволно и дека ни фали нешто. Каков е вашиот впечаток? Гејмер или не, кажете ни ги вашите импресии за Opera GX!
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
