Одлични вести за љубителите на Толкин, Amazon најави нова серија

Amazon објави дека ги купува телевизиските права за Господарот на прстените од Џ. Р. Р. Толкин. Веќе од поодамна се шпекулира дека компанијaта ќе работи на серија, а ова е само подврда на шпекулациите.

Она што беше непознато, е кој дел од приказната ќе биде покриен во серијата. Најголем дел од фановите не беа воодушевени од серија која би била обработка на филмот, а се чини дека сега може да здивнат. Серијата ќе ги опфаќа настаните во периодот пред Господарот на прстените. Веќе е јасно дека ќе бидат снимени неколку сезони од серијата.

Amazon Prime heads to Middle Earth. https://t.co/QowUmf8t3S pic.twitter.com/YVciEX3u2t

— Jeff Bezos (@JeffBezos) November 13, 2017

Добра вест е дека Amazon ги има правата и на Силмарилион и дека можеби во потрага по приказни ќе искористат и од овој материјал.

„Воодушевени сме што Amazon кој има долгогодишна посветеност кон литературата е дом на првата мултисезонска серија за Господарот на прстените“, вели Мет Галсор, претставник на Tolkien Estate.

Серијата ќе биде достапна за сите корисници на Amazon Prime.