Oбјавени се финалистите на „Веб сајт на годината 2011“

Објавена е листата на финалистите од „Веб сајт на годината 2011“. Победниците од осум различни категории ќе бидат прогласени во вторник, на 20-ти декември.

Сајтовите ќе бидат оценувани според неколку критериуми: дизајн; посетеност; функционалност/употребливост; содржина – активни текстови, автентичност, преземена содржина и лекторски коректна; интерактивност и успешност на друштвени мрежи; и иновативност/креативност.

За разлика од ланското фиаско, оваа година организаторите Media Solutions решија да дозволат корисниците сами да пријават и да гласаат за омилените сајтови. Гласовите на публиката ќе имаат 40 отсто удел во одлуката, додека останатите 60 отсто доаѓаат од жирито.

Дали ќе го погодите победникот?

Малку е чудно што два забавни портали се најдоа како финалисти во сајт на годината иако не исполнуваат некои критериуми, пред се автентична содржина. Чудно е и што forum.kajgana.com е единствениот сајт кој го има во три различни категории, иако е само форум и припаѓа на една. (Надополнување: Бевме контактирани од организаторот кој ни напомена дека форумот на Кајгана е финалист само во категоријата Форум на годината, додека самиот сајт Kajgana.com е во другите две. Грешките се поправени и на нивниот сајт.) Критериумот за посетеноста најверојатно доаѓаат од Alexa-mk, како инаку жирито би ја одредило посетеноста на сите тие сајтови?

Поради овие неколку наговестувања, и земајќи ги само критериумите за посетеност и содржина во обзир, бидејќи иновативноста и функционалноста се субјективни за жирито, дали уште сега може да ги погодите победниците?

За жал It.com.mk не е меѓу финалистите, можеби следниот пат, но форумот на It.com.mk е финалист во соодветната категорија. Им посакуваме среќа на членовите бидејќи популарноста на форумот е пред се нивно дело. :)

Еве ги сите финалисти. Им посакуваме среќа!

Најдобар веб сајт на годината

• crnobelo.com
• femina.mk
• kurir.mk
• on.net.mk
• tocka.com.mk

Најиновативен сајт

• fakulteti.mk
• grouper.mk
• kajgana.com
• kupikartizase.com
• makedonija24.mk
• www.web.maxtv.mk *

Најдобар сајт за е-трговија

• mk.kolektiva.net
• grouper.mk
• kupi.se
• kupikartizase.com
• topshop.com.mk

Најдобар информативен сајт

• idividi.com.mk
• kajgana.com
• kurir.mk
• www.okno.mk *
• plusinfo.mk
• time.mk
• www.vesti.alfa.mk *
• www.zhurnal.mk *

Најдобар забавен сајт

• brkajrabota.mk
• crnobelo.com
• kafepauza.mk
• kajgana.com
• motika.com.mk

Најдобар бизнис/корпоративен сајт

• www.fructal.com.mk *
• kb.com.mk
• nlbtb.com.mk
• procreditbank.com.mk
• t-mobile.mk
• vip.mk

Најдобар блог

• babamitrajanka.blogspot.com
• marketing365.blog.mk
• www.idroid.mk
• komunikacii.net
• sitnoseckano.blogspot.com

Најдобар форум

• badijala.com
• forum.doktori.mk
• forum.kajgana.com
• it.com.mk/forum
• ringeraja.mk/forumiall.asp

Означените сајтови со * се додадени од жирито, додека останатите се пријавени од корисниците.