Комичарот и новинар Џон Оливер во најновата епизода на Last Week Tonight имаше фантастично интервју со поранешниот аналитичар на NSA, Едвард Сноуден, во кој зборуваат за шпионирањето. Г. Сноуден, сега во азил во Русија, објави доверливи документи од американската Национална агенција за безбедност (NSA) со кои се откри дека NSA нелегално ги прислушува граѓаните и корисниците на интернети без разлика на тоа од која земја доаѓаат.
„NSA ги собира сите информации за корисниците, вклучувајќи и слики од пениси“, вели г. Сноуден во интервјуто. Тоа што е интересно е што Џон Оливер се обиде преку „сликите од пениси“ да ги објасни сите програми кои ги има NSA за шпионирање на интернет корисниците. Комедијата е одлична, но застрашувачки е што вашите голи слики, како и куп други информации, може да се најдат пред аналитичарите на NSA.
Интервјуто започнува од 16-та минута, но не го пропуштајте воведот.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
