Националната агенција за безбедност (NSA) има технички можности да ги снима сите телефонски разговори во држави кои се под надзор. Ова и овозможува на агенцијата да преслушува разговори кои се стари до 30 дена, велат документи кои ги објави Washington Post, и кои повторно доаѓаат од поранешниот аналитичар на NSA, Едвард Сноуден.
Идејата за алатката која го овозможува ова е достапна од 2009 година и е наречена MYSTIC, а за првпат е оперативна во 2011-та. MYSTIC го снима буквално сите разговори во државата која се набљудува и ги чува во едномесечен бафер. Во овој период разговорите можат да бидат разгледани од аналитичарите на NSA, а потоа се бришат и се менуваат со нови разговори. Системот во моментов се користи за набљудување на најмалку една држава, а се размислува и на набљудување на пет други држави, покажуваат документите на Washington Post.
„Идентификувањето на закани во големи и комплексни системи како што се модерните комуникациски мрежи во кои обичните луѓе ги делат оптичките кабли со легитимните цели е работа на NSA“, вели Вани Вајнс портпаролката на NSA, додавајќи дека NSA законски го спроведува следењето на групи и поединци кои претставуваат закана за националната безбедност на САД.
Washington Post има податоци за државата каде е употребен МYSTIC, но на барање на официјални претставници на САД, името на државата не е објавено.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
