Samsung само што закажа unpacked настан за 4-ти септември на IFA 2013, на кој, според очекувањата и според насловот „note the date”, ќе биде преставен новиот Galaxy Note 3. Note со своите 5,5+ инчи е еден од најуникатните уреди на Samsung. Претходните верзии на „фаблетот“ – име кое го доби Note бидејќи е меѓу таблет компјутер и телефон – имаа одлични перформанси, а знаејќи ги амбициите на Samsung, и новиот Note 3 ќе дојде со моќен процесор кој ќе ги поддржи сите разновидни функционалности на телефонот.
За потсетување, претходникот Galaxy Note 2 има 1,6 Ghz процесор со четири јадра, 5,5 инчен HD Super AMOLED екран со 1280×720 резолуција, 8 мегапиксели камера, 2 GB RAM и 16, 32 или 64 GB простор. Можно е со новиот Note, Samsung да го повтори сценариото со Galaxy S3 и S4 меѓу кои нема драстична разлика во перформансите – и двата уреди се супериорни и брзи – но S4 беше спакуван со куп разни функционалности како на пример читање со очите и фотографирање со звук. Тие функционалности би требало да бидат додадени и на новиот фаблет.
Иако повеќето од нас нема да можат да присуствуваат лично на настанот, сепак ќе можеме да го следиме во живо преку YouTube каналот на Samsung.
Samsung #UNPACKED 2013 Episode 2. Note the date. pic.twitter.com/XkNBXXc8Bp
— Samsung Mobile (@SamsungMobile) August 5, 2013
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
