Siri наскоро ќе пристигне на macOS. Гласовниот асистент на Apple прво ќе пристигне на новата верзија на iMac Pro. Ова го открија двајца истражувачи, Џонатан Левин и Стив Трутон-смит.
https://twitter.com/stroughtonsmith/status/931994004887044097
Прегледувајќи по BrigeOS, двајцата пронајдоа ARM процесор. Најверојатно станува збор за A10 Fusion чип кој ќе овозможи нови функционалности, вели 9to5Mac. Ова не е прв ARM процесор во MacBook, но е прв A-процесор. Од порано T1 се користи за Touch ID и Touchbar.
Шпекулациите велат дека ко-процесорот би можел да се користи за процесирање на гласовни команди за активирање на Siri.
Она што е јасно од првите анализи на BridgeOS е дека ко-процесорот ќе се користи при стартување на оперативниот систем. Процесорот работи и кога iMac Pro е исклучен, вели г. Трутон-смит. А10 процесорот ќе се користи за стартување на х86 и го испраќа EFI фирмверот до истиот.
Ова не е прв пат да се зборува за ARM копроцесор за iMac. Уште со најавата се зборува за ко-процесор кој ќе доаѓа со компјутерот. Засега не е потполно јасно дали овој процесор со сигурност е A10 Fusion.
