Нови предлози за како да се справите со новиот Facebook чет

Минатата недела имавме пост за тоа како да го тргнете новиот иритирачки Facebook чет, а сега малку ќе ја дополниме таа тема со уште два предлога.

Првиот начин на кој може да се ослободите од новиот глупав чет е многу едноставен. Сè што треба да направите е да ископирате линк во нов таб со што ќе ви се отвори стариот чет. Линкот што треба да го ислопирате во нов таб е: http://www.facebook.com/presence/popout.php. Да, толку е едноставно.

Вториот начин е за оние кои што се неразделни од својот Chrome. Станува збор за екстензијата со креативно име Fix the New Facebook Chat која го задржува моменталниот чет, меѓутоа ви ги покажува само пријатели кои во моментот се онлајн.

Овие два предлога во моментов се наједноставни, но доколку побарате на Google можно е да најдете и други решенија. Еден таков пример е скриптата за GreaseMonkey, предлог од @ZokiBoss. Се работи за Facebook Sidebar Chat Reversion скриптата која може да ја инсталирате со GreaseMonkey на Firefox или директно на Chrome (иако на Chrome може и да не работи). Оваа скрипта работи со HTTP и HTTPS, ги листа само онлајн пријателите и ги реди според првата буква.