Нема редизајниран iPhone 5, Apple го претстави новиот iPhone 4S

Нема нов дизајн, нема нов поглем екран, нема iPhone 5. Наместо сите тие очекувања, Apple го претстави новиот iPhone 4S кој има доста подобрени хардверски можности, скоро два пати побрз процесор, и седум пати подобрена графика од претходниот модел. Ова сигурно ќе им се допадне на многу гејмери и на многу програмери кои ќе ги искористат можностите на 4S да креираат уште позабавни игри и апликации.

Според перформансите, новиот iPhone 4S ќе има dual-core А5 процесор кој го има во iPad 2 и е двојно побрз од претходниот iPhone 4, подобра батерија со 8 часа време за зборување, 8 мегапиксели камера со поддршка за 1080p видео, и ќе биде достапна во црна и бела боја.

iPhone 4S ќе ја има новата верзија на мобилниот оперативен систем iOS 5, која ќе биде достапна од 12 октомври и за другите модели, iCloud за складирање податоци во облакот, и ќе има и нов iPhone асистент Siri кој ќе користи гласовни команди за да прочита порака или да пребарува.

Новиот iPhone 4S ќе биде пуштен во продажба во САД на октомври 14-ти, а бргу после тоа и ширум светот. Цената, зависно од договор со операторите, ќе се движи од 199 долари за 16 GB модел до 399 за 64 GB модел, кој е всушност прв ваков модел на iPhone.

[youtube]k4iKJR9QxgU[/youtube]