Според сите показатели, Windows 10 е најсупериорната верзија на оперативните системи на Microsoft, но оние кои копнеат по одреден ретро фактор би можеле да ги земат следниве предлози во предвид.
Наместете и користете Screen Saver
Во времето на големите CRT монитори, употребата на Screen Saver-от беше корисна. Новите (LCD) монитори, меѓутоа, немаат никаква практична корист од таквото нешто, но тоа не значи дека не треба да си наместите по, пример, 10 минути неактивност, да оди галерија од ваши слики, одредени зборови, линии или меурчиња. За да активирате screen saver кликнете на Windows логото во долниот, лев агол и напишете screen saver. Потоа, кликнете на Change screen saver и од појавениот прозор изберете одреден дизајн, како и по колку време неактивност да се вклучува. Спречете пристап до системот од други лица така што го штиклирате On resume, display log-on screen. Доколку не ви се допаѓаат понудените screen saver-и одберете си многу поубави од продавницата Microsoft Store (не се сите бесплатни!).
Windows 8 Start мени на цел екран
Присетувањето на Start менито од Windows 8 и ден-денес предизвикува мачнина и нагон за апсолутно исмејување, но на одредена група корисници некако им се допаѓаше менито да го окупира целиот екран. Во случај да припаѓате на групата, упатете се во Settings, па Personalisation, па Start. Од тука, штиклирајте Use start full screen. За разлика од Windows 8, ваквото мени нема да ги покрива сите апликации.
Windows 7 во Windows 10
Многумина носталгично се присетуваат на Windows 7 и често сакаат да работат во таквата визуелна околина. За да успеете донекаде во намерата, би можеле да инсталирате Classic Shell. Процедурата знае да биде напредна и пожелно е да ги дештиклирате Classic Explorer и Classic IE за време на процесот на инсталација. Отворете Classic Start Menu settings, штиклирајте Show All Settings и изберете Windows 7 Style. Оние кои сакаат можат да преземат автентично Windows 7 лого и да го вметнат на соодветното место. Windows Aero избирате од јазичето Skin.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
