Ако си критичар на власта во Македонија тогаш најверојатно си параноичен дека власта се обидува на некој начин да те замолкне. Стравот е донекаде оправдан бидејќи видовме што се случи со медиумите што критикуваат, гледаме какви лични напади има врз јавните личности што критикуваат, и знаеме дека властите ги прислушуваат своите политички противници и сопартици, бидејќи и властите се малку параноични дека некој сака да им ја земе моќта. Знаејќи го сево ова, нема ништо чудно да си помислите дека сакаат да го контролираат и Twitter, каде добар дел од македонските твитерџии ја критикуваат власта, судејќи од честите твитови за #Ж.
#Ж #жбрк #ставре #жмро pic.twitter.com/ZBHupG3Bae
— Ледена Медена (@LedenaKalugerka) February 11, 2015
#Ж ујдурми прави, демек ни го бара бројот за да го потврдиме акаунтот, а уствари му треба за да не прислушкува!
— Гол Играч (@CrnooBel) February 11, 2015
Абе #Ж, можеше асл плс да ми пишеш, не моρаше да ме блоκиρаш #ТаженТвит
— Хаос (@ama_bas_nikoj) February 11, 2015
Твитеров ми беше затворен почнав да мислам дека на #ж не му се допаднал некој твит па решил да суде.
— Цимерот на Фичомен (@plavoto_detence) February 11, 2015
Но, овојпат власта не е крива што десетина профили беа блокирани. Некои македонски корисници, некои кои се гласни критичари на власта, сабајлево не можеа да пристапат до своите Twitter профили. Пораката беше дека се блокирани бидејќи покажувале „автоматско однесување што е против правилата на Twitter“. За да се отклучи профилот требаше да се потврди преку телефонски број или имејл.
Massive suspension on #Macedonian #twitter user tonight! #Macedonia #Spy #Ж #Пуч "@IrenaMila2: @FlavrSavr pic.twitter.com/GGyIyyHL2P"
— Kiril Efremovski (@kefremovski) February 10, 2015
Уплашени дека во Македонија се случува тоа што се случи во еден куп земји каде властите ги цензурираат друштвените мрежи за да го замолкнат народот, македонските твитерџии веднаш кренаа галама (што е иронично ако некој сака да ве замолчи) со твитови за #Ж. Но, тоа не се случи. Ниту се има случено. Twitter објави свој извештај за транспарентност во кој покажа кои земји барале забрана на профили или отстранување на содржина. Македонија не е меѓу нив.
Тоа што се случи е што Twitter претстави нов филтер за модерирање на профилите кој блокираше профили насекаде во светот. Неодамна директорот на друштвената мрежа, Дик Костоло, призна дека се мачат со тролањето и навредите на мрежата, и дека работата на филтри кои ќе помогнат со блокирање на троловите. Претпоставката е дека е воведен таков филтер кој едноставно направил хаос и блокирал рандом профили следејќи некои параметри, пример често твитање. Тwitter потврди дека сега се е во ред, и дека десетиците илјади македонски твитерџии нема од што да се плашат. Засега.
и да е технички проблем суспендирањето, тоа што прво помислуваме дека е дело на режимот кажува во вакво општество живееме. страв и параноја!
— Е. (@EStavrevska) February 10, 2015
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
