Фондацијата Метаморфозис во соработка со здружението на граѓани Викимедија Македонија неодамна објави сеопфатен прирачник (.pdf) за уредување на вики статии за Википедија на македонски јазик и за Wiki.mk, што е сајт за локалните заедници. Целта на овој проект е да се промовира вики-технологијата како евтино и ефикасно решение за недостигот од информации од локално значење.
Во прирачникот е објаснето што е тоа вики-технологија и што можат викијата да направат за нас. Исто така и детално е објаснето како може да се уредуваат викија, како да се создаваат внатрешни и надворешни врски, објаснување за тоа што се наводи и зошто се користат, додавање слики и други мултимедијални содржини, додавање табели, додавање и создавање категории.
На крај од прирачникот има и објаснување за администрација, за тоа како да се стане администратор, и кои се администраторски функции, како и за злоупотреба на додатните функции.
Прирачникот е наменет пред се за Wiki.mk проектот кој има за цел да ја подигне јавната свест за активно граѓанско учество преку нови технологии, преку јакнење на капацитетот на невладините организации и активисти за нивно користење, со цел да се промовира вики-култура на слободно споделување знаења и слободна соработка, но е корисен и за објавување на онлајн енциклопедијата Википедија која неодамна стигна до неверојатната бројка од 50.000 статии на македонски јазик, но и
Прирачник можете да го преземете од веб сајтот на Метаморфозис.
