Факултетот за електротехника и информациски технологии повторно организира курс со кој ќе им помогне на граѓаѓаните да се запознаат со основите на програмирањето. Овојпат курсот се одржува 5 пати, што претставува своевиден мини јубилеј.
Code@FEIT2017 ќе се одржи од 11 до 15 септември. Слушателите ќе може да се запознаат со основите на програмирањето и дизајнирањето алгоритми, а ќе имаат можност, преку интерактивна настава, практично да преточуваат проблеми во алгоритми и потоа, во програмски код.
„Целта на курсот е да се покаже нов пристап кон програмирањето, да ги мотивира младите да учат програмирање и да креираат софтверски апликации. Интерактивната настава ќе ја покрие наставниот и соработничиот кадар на Институтот за компјутерски технологии и инженерство и кадар од Факултетската компјутерска лабораторија“, објаснува професорката Марија Календар.
Програмскиот јазик кој се користи е JAVA кој иако е посложен од Python на пример, сепак е дел од програмата на факултетот. Предност во селекцијата ќе имаат сегашните и идни студенти на ФЕИТ. Цената е 500 денари за студентите на ФЕИТ и 1.000 денари за надворешните учесници.
Пријавувањето е отворено заклучно со 7 септември, а листата на кандидати кои ќе го следат курсот ќе биде објавена на 8 септември. Заинтересираните може да се пријават на [email protected], повеќе податоци за курсот може да пронајдете на веб сајтот на ФЕИТ.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
