Ако некогаш сте сакале да се обидете да креирате сопствена музика, но се плашите бидејќи сметатe дека не знаете доволно, имаме добра вест. Learning Music на Ableton ќе се обиде прво да ви ги објасни основите на електронската музика, иако добар дел се однесува на повеќе жанрови.
Во „лекциите“ има простор буквално за сè. Започнува од креирање на едноставна музика, за потоа подетално да ги објасни основите на: ритам; темпо; инструментите кои се користат; ноти и скали; акорди и куп други корисни податоци. Ова нема да биде комплетно без куп, кул примери на препознатливи песни, кој ги има за сите теми. Ако ве интересира креирањето на музика, алатката е одлична. Иако започнува со основите има доволно податоци дури и за оние кои веќе се занимаваат со музика.
Алатката изгледа дека ќе им биде најкорисна на професори кои ја предаваат оваа материја. До Learning Music ќе можат и попрактично да ја презентираат.
Без разлика колкаво ви е теориското познавање, ништо не ве спречува да го користие онлајн инструментот за забава. Теоријата секако не е најзабавниот дел од музиката, па започнете со креирање на вашата музика.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
