И овој август селото Велестово ќе биде центар на развојна програма во која учесниците ќе научат сè за развој на идеја во бизнис. Кампот е организиран од охридскиот тим зад CodeFest, и првенствено е наменет за стартап ентузијасти. Доколку се следи досегашната пракса, менторите ќе бидат експерти од Европа. Кампот ќе се одржи од 20 до 25 август, местата се ограничени и веќе може да се пријавите на StartQube/macedonia.
StartQube е збир на повеќе работилници кои се организираат во соработка со повеќе експерти. Идејата е учесниците да се запознаат со сите фази на креирање на успешен бизнис – од изработка на бизнис план и модел, анализа на пазарот, пристап до корисниците, пристап до инвестиции и сè што е клучно за креирање на одржлив бизнис.
Настанот е организиран подалеку од урбаниот Охрид со намера да се овозможи понеформална комуникација помеѓу учесниците и менторите. Локацијата е одлична и за дружење и рекреација по завршувањето на работилниците, што треба да биде клучно за пренос на знаењето и комуникацијата.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
M3DS Academy 
