Компанијата Nextsense организира конференција на која ќе биде претставена иднината на информациската заштита. Со оглед на проблемите со кои се соочува индустријата денес, темите се актуелни и супер интересни.
Посетителите ќе можат да слушаат за: WikiLeaks; за нови вируси и интернет опасности; DDoS напади; Ransomware вируси; куп протекувања на лични податоци на корисниците. Овие предизвици се важни не само за коорпорациите и големите компании, туку и за индивидуалните корисници.
„На конференцијата ќе присуствуваат над 80 гости со различни профили и тоа: извршни директори, офицери за заштита на лични податоци, офицери за сигурност и безбедност на информации, раководители на ИТ сектори и слично. Пријавените гости се вработени во големите институции од владиниот сектор, јавните претпријатија, единиците на локална самоуправа, правосудството, финансискиот сектор, но и големи компании од приватниот сектор (домашни и странски инвеститори)“, велат организаторите.
На конференцијата се разгледуваат неколку важни теми: Законот за регулирање на приватноста; Следење и обезбедување на доверливи податоци; Откривање на активни безбедносни закани; Побезбедна веб комуникација додека ја забрзувата бизнис апликација; Заштита на идентитет и автентикација.
Конференцијата се одржува на 11 мај во Bushi Resort & Spa, а влезот е бесплатен. Настанот започнува од 9 часот, а партнери на Nextsense во организацијата се Symantec и Veritas.
