Можеби сметате дека тимот на Facebook треба да се фокусира на приватноста и да оневозможи злоупотребата. Најверојатно сте во право. Неспорно компанијата има доволно инженери да работи на повеќе од еден проект.
Следната промена доаѓа на Instagram. Како секогаш, друштвената мрежа ветува подобар алгоритам од кој ќе бидеме позадоволни. Генерално промените се однесуваат на првите слики кои ќе ги гледаме кога ја отвораме апликацијата. Новата функционалност е „Нови постови“ и со копче ќе овозможува промена на постовите.
Ова засега се прави со автоматска промена на постовите. Наместо ова, со копчето корисникот ќе може самиот да си одбере кога сака да ја обнови содржината на страната.
Дополнително, новите содржини ќе се појавуваат најгоре во фидот. Според Instagram ова е на барање на корисниците.
Во следните неколку месеци од Instagram најавуваат и други промени во фидот.
