Од 28 јуни Google Drive ќе може да се користи за бекап и синхорнизација на целиот компјутер. Backup and Sync ќе овозможи можност за прикачување и чување на сите фајлови и слики на Google Drive. Backup and Sync е надградба на Google Drive for Mac/PC.
Алатката е пред се наменета за домашните корисници, на кој ќе им овозможи поголема безбедност на фајловите. Алатката не е за бизнис корисниците на кои компаниајта им советува да продолжат да го користат G-Suite. За бизнис корисниците Google го креираше Drive File Stream, алатка која овозможува пристап до огромни сетови на податоци без да заземаат простор на локалните дискови.
Корисниците на Backup and Sync ќе можат да одберат фолдери кои сакаат да ги заштитат. На бесплатните корисници ќе им бидат достапни 15GB простор за податоци.
