Наскоро Facebook Messenger за iPad и нова верзија со видео чет за iPhone и Android

Facebook Messenger моментално е достапен за Windows, iPhone и Android, а наскоро ќе добие и верзија за iPad, открива 9to5mac.

iPad верзијата во суштина ќе биде само поголема верзија на Facebook Messenger за iPhone, со опција за разговори со еден пријател или група, „push” нотификации кои се појавуваат на почетниот екран и можност за лоцирање на пријателите преку мапа. Оваа апликација нема да ја замени Facebook за iPad каде се прикажува споделената содржина, туку ќе служи само како едноставен начин за комуницирање со пријателите.

Разликата меѓу iPhone и iPad верзијата ќе биде новата поддршка за видео повици преку Skype која ќе се најде на паметниот телефон, но најверојатно не и на таблет компјутерот, што е чудно бидејќи и iPad има две камери. Се очекува првин iPhone верзијата да добие видео повици, па потоа да видиме и нова верзија на Facebook Messenger за Android.