Шведскиот гигант IKEA објави дека започнува соработка со NASA на изработка на мебел за луѓето кои живеат во густо населените градови. Овие истражувањa ќе им помогнат и на двете страни да пронајдат подобро решение за мисијата на Марс.
NASA и IKEA заеднo работат во MDRS Habitat во Јута. Експертите на IKEA треба да поминат некое време во симулацијата, а потоа да подготват производ кој ќе го направи поудобен мебелот за помал простор.
„Навистина е лудо и забавно искуство. Во принцип, целосно сме изолирани три дена за да се здобиеме со искуство кое астронаутите ќе го имаат три години. Речиси е истото чувство како кампирање. Секако, супер е што може да седнете и да поминете време со креативни луѓе. Ова само по себе е луксуз“, вели Мајкл Николиќ од IKEA.
Сепак, практичната примена на ова искуство во прво време ќе биде можноста за креирање на подобро искуство во големите градови. Во становите каде просторот е ограничен, иновативниот мебел на IKEA би можел да направи вистинска разлика.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
