BCUninstaller e програм со кој можете да бришете други програми. Самиот оперативен систем има солидна алатка за ова, до која доаѓате преку Settings, па избирање Apps, но за масовно, брзо и длабоко бришење се препорачува BCUninstaller.
BCUninstaller го скенира вашиот хард диск и ги листа сите програми што ќе ги пронајде, со опции за нивно подредување според одредени параметри. Изберете ги програмите кои сакате да ги избришете од листата и изберете ја опцијата Uninstall quietly доколку сакате програмите сами да си се избришат, без да се прикажуваат прозорци кои бараат дополнителни кликнувања од вас.
Најновата, петта верзија на BCUninstaller може да се пофали со следниве опции:
- Автоматско создавање System Restore Point пред секое бришење. На овој начин, ќе можете да вратите назад, доколку компјутерот почне да се однесува сомнително
- BCUninstaller може автоматски да го успие компјутерот откако ќе заврши со бришење апликации. За таквото нешто, штиклирајте ја опцијата: Put PC to sleep when done
- Одстранување на копчето Donate и подобра поддршка за прикажување на алатката во високи резолуции
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
