Најновото проширување за The Sims 4 ќе се надоврзе на вообичаениот гејмплеј со можностите за живеење во стан.
The Sims 4 City Living се одликува со нов свет, наречен Сен Мајшуно, каде ќе можете да започнете живот во големиот град и да им дозволите на вашите Sim ликови од прва рака да ги искусат таквите предности и недостатоци.
Во The Sims 4 City Living и становите се одликуваат со карактеристични црти кои директно ќе влијаат на напредувањето на вашите ликови. Па така, семејните играчи би требало да најдат стан во близина на добро училиште за да нивните деца имаат повисоки оценки. Добриот стан зависи и од висината на киријата и ако сакате да плаќате малку потребно е да сте спремни за најразлични непријатни изненадувања како во поглед на инсталацијата така и во привлекувањето четириножни пријатели. Да не ни зборуваме за опседнати станови, неспособни управители, гласни комшии и, па, знаете каде одиме со ова…
Проширувањето ќе се одликува и со три нови кариери и тоа кариера во политика, критика или социјални медиуми. Што се однесува до нови активности, очекувајте пеење во караоке бар или присуствување на бројни фестивали кои би можеле да бидат романтични или „гиковско“ ориентирани. Исто така, сим ликовите ќе можат да играат кошарка, а и да се дружат со нивните пријатели во ваш или нивен стан.
Подразбирливо, The Sims 4 City Living ќе се ви дозволи и да се подновите и со нова облека и предмети.
The Sims 4 City Living излегува на 1 Ноември, по цена од 40 евра.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
