Три милијарди луѓе, или околу 40 отсто од светската популација ќе бидат поврзани на Интернет до крајот на 2014-та година, објави Интернационалната телекомуникациска унија на Обединетите нации. Според извештајот, две-третини од интернет корисниците се од земјите во развој, а мобилната броадбенд пенетрација достигнува 32 отсто, или 2,3 милијарди корисници глобално.
Но, 60 отсто од луѓето, или околу 4 милијарди, ќе останат без пристап до Интернет. Европа има најголема интернет пенетрација од 75 отсто, или три од четири луѓе се поврзани; Американските континенти се втори според пенетрацијата, каде два од три граѓани се поврзани, иако нивниот развој го движат САД и Канада. Азија го има најголемиот број на интернет корисници, дури 45 отсто доаѓаат од овој регион или една-третина од луѓето кои се онлајн. Но, Африка заостанува со само 20 отсто од луѓето кои ќе користат Интернет до крајот на 2014-та, иако има пораст од 10 отсто споредено пред две години.
Мобилниот броадбенд останува „набрзо растечкиот сегмент“ каде 55 отсто од 2,3-те милијарди корисници доаѓаат од земјите во развој. Африка забележува драматичен пораст од 2 отсто во 2010-та година на 20 отсто во 2014-та година. Фиксниот броадбент забележува поспора пенетрација, која доминира во Азиско-Пацифичкиот регион.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
