Муарем Реџепи е првиот пациент на кој му е вградено вештачко срце. Операцијата е направена на државната кардиохирургија, а ја изведе тим од доктори од државната кардиохирургија и Петар Ристески кој работи во Франкфурт.
Операцијата траеше 2 и пол часа, лекарите се задоволни, а пациентот е во добра состојба.
Механичко срце (Left Ventricular Assist Device) е медицинско помагало за пациенти со срцева слабост. Може да се постави на левата, десната или на двете комори. Може да се користи и привремено во случај кога пациентот чека на трансплантација или како помош додека срцето не стане доволно силно за да работи без помагала.
Апаратчето е мало и работи бесшумно. Помагалото е поставено во телото, единствено батеријата која се менува е на надворешниот дел.
Трошоците за оваа операција кога се прави надвор од Македонија се помеѓу 340.000 и 350.000 евра. Кога операцијата се изведува во Македонија трошоците се 120.000 евра.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
