Сервисот за музика Grooveshark минатата недела беше затворен од властите во САД бидејќи беше обвинет дека должи десетици милиони долари за авторски права. Иако од компанијата најавија дека ќе ја почитуваат судската одлука, сепак очигледно не сите вработени се со исто мислење, па помал тим најави дека го оживува сервисот.
Тимот ентузијасти веќе подолг период тајно креирал бекап на сајтот и веруваат дека имаат 90 отсто од песните, пред сајтот да биде отстранет. „Започнав да првам бекап на сајтот кога започнавме да се сомневаме дека заминувањето на Grooveshark се ближи, а мојот страв се оствари по неколку дена кога го затворија. Дотогаш имавме ископирано 90 отсто од содржината, а сега работиме на останатите 10“, пренесува BGR.
Страната е достапна на нов домен Grooveshark.io, и за сега е во рана фаза на развој, но тимот се надева дека наскоро ќе ги врати сите функционалности и корисничкиот интефејс на оригиналниот Grooveshark.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
