Mozilla, Pornhub, Kickstarter, Twitter, Netflix, Reddit, Foursquare и куп други интернет гиганти се решија да се борат против забавувањето на Интернетот. Наречен како Internet Slowdown Day, овој настан беше протест за поддршка на интернет неутралноста, и за право на секој сајт да има ист третман од провајдерите без да мора да плаќа за побрза конекција.
„Интернет неутралноста е важна за нас како компанија. Важна е за нашите посетители и важна е за демократијата. Горди сме што сме дел од Internet Slowdown и ги покануваме сите да ни се приклучат“, вели Ерик Мартин од Reddit.
Симбол на протестот е „вртливото тркало на смртта“ кое е поставено на сите сајтови кои протестираат. Изборот на симболот е како предупредување за тоа што почесто би можело да го гледаме ви иднина – баво видео и бавни услуги. Дел од протестот се и Vimeo, Imgur, KickStarter, Digg, Firefox и WordPress. Денот за протест е избран како последниот ден на кои може да упатат критика граѓаните и компаниите од САД кои сакаат да интервенираат со промени во предолг законот. Следните 60 денa FCC ќе дискутира по поднесените предлози, по што законот ќе биде донесен. Се чини дека комисијата ќе мора да работи со полна пареа со оглед на тоа дека се поднесени речиси 1,5 милион предлози, рекорд во историјата на FCC.
If you hate this symbol, join Netflix and defend #NetNeutrality on Sept. 10th: https://t.co/UOlKUgiJQj http://t.co/CWHMuOnWOO
— Netflix US (@netflix) September 8, 2014
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
