Без разлика колку мислите дека се безбедни вашите паметни телефони, агенциите можат едноставно да се здобијат со контрола врз нив, вели Едвард Сноуден за BBC. Главен фокус на интервјуто е Британската агенција за разузнавање GCHQ за која г. Сноуден тврди дека агенцијата може да ги следи своите жртви. Но, тој овојпат откри и дека GCHQ испраќа криптирана текст пораки со кои може да се здобие со контрола над телефонот и да го користи за фотографирање, да го вклучи телефонот и да прислушува.
Интересно за разлика од САД каде кодните имиња на програмите за прислушување се кратенки, британската GCHQ ги користела имињата на Штрумфовите. Штрумф Спанко (Dreamy) и штрумф Љубопитко (Nosey) се имињата на алатките кои овозможуваат вклучување и исклучување на телефонот, односно вклучување и исклучување на микрофонот. Агенцијата користи алатки со кои може да ги скрие своите злоупотреби, но и алатки со кои може да фотографира од телефонот. Фотографирањето се прави со специјална порака, корисникот ќе ја плати, но никогаш нема да ја забележи и нема податоци за неа. „Велат и најчесто е точно, дека никогаш нема да ја прочитаат вашата електронска пошта, но можат да го направат ова, а вие никогаш нема да знаете“, вели г. Сноуден.
Одговорот на GCHQ е дека се што прават е во согласност со законите на и политиката на агенцијата, но Владата на Обединето Кралство одби да коментира дали користи вакви алатки за надзор и следење.
