Американските студенти кои се одлични гејмери годинава ќе можат да аплицираат за стипендии кои бараат од нив да продолжат да играат видео игри, но и да имаат добри оценки. Иако ова не е првпат компанија врзана со индустријата да доделува стипендии, сепак ова е прв случај каде успехот во играњето е еден од условите за добивање на стипендијата.
Фондот за стипендии е 50.000 долари, а спонзори се најголемата онлајн гејминг видео мрежа Twitch.tv” target=”_blank”>TwitchTV, и добро познатите произведувачи на гејминг хардвер Alienware и Steelseries. Стипендиите од 10.000 долари ќе се доделат на пет студенти кои покрај академското знаење ќе требаат да бидат исклучителни гејмери и посветени на играњето на видео игри.
Стипендијата ќе ја додели комисија составена од експерти во гејминг индустријата врз основа на целокупниот успех, достигнувањата при играњето на видео игри и есеј кој апликантите ќе треба да го испратат на тема „Што претставува играњето на видео игри“. Барателите на стипендија ќе треба да приложат и видео во кое ќе ја претстават својата успешност во играње на било која игра. Американските гејмери кои сакаат да продолжат со образованието можат да почнат да се пријавуваат од 5 јуни до 15 јули, а резултатите ќе бидат објавени еден месец подоцна.
„Очекуваме многу, многу апликации за шутери во прво лице како Call of Duty и Halo, и за стратегиите како Stаrcraft и World of Warcraft.”, вели Матју Дипетро од TwitchTV за Мashable.
Покрај искучителните спортисти кои добиваат стипендии години наназад ова е уште една можност да се искористи хобито за добивање на подобро образование.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
