Операторите треба да се плашат од мобилните апликации за четување, предупредува шефот на европската Дигитална агенда, Нели Крус. Таа денес објави податок дека овие апликации станаа популарни од SMS пораките кои им носат огроман профит на операторите. Меѓу мобилните апликации кои се предводници на ова нова промена во пазарот се WhatsApp, Viber, Apple iMessage, Blackberry Messenger и секако мобилните апликации на Facebook.
It’s official: chat apps have overtaken SMS globally. The cash cow is dying. Time for telcos to wake up & smell the data coffee.
— Neelie Kroes (@NeelieKroesEU) April 29, 2013
Податоците се објавени од аналитичарите Informa кои велат дека во 2012-та година секој ден ширум светот се споделуваат околу 19 милијарди пораки преку овие апликации, наспротив 17,6 милијарди SMS пораки. Само лани, операторите изгубиле околу 23 милијарди долари поради мобилните чет апликации. Разликата во следните години ќе биде уште поголема. Проекциите се дека во 2014-та година ќе има околу 50 милијарди пораки преку апликации наспротив 21 милијарди текстуални пораки.
Но, ова не значи смрт на SMS пораките, велат аналитичарите бидејќи се уште огромен број на корисници, посебно во земјите во развој, кои сè уште користат не-паметни телефони. Informa проектира дека приходот од SMS пораките ќе порасне на 127 милијарди долари, што е повеќе од 115-те милијарди долари од минатата година.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
