Microsoft стартува нова анти-кампања; овојпат го напаѓа Chromebook

Microsoft продолжува со Scroogled кампањата, a овојпат цел на напад е Google Chromebook. Во последното видео Microsoft ги нарекува Chromebook уредите „цигли“ кои немаат ниту Windows, ниту Office. Цел на напад е оперативниот систем кој доколку не сте поврзани на интернет не овозможува можност да си завршите работа. А бидејќи Chromebook е толку лош нема да можете ниту да го заложите, вели рекламата. Згора на ова доколку сте онлајн Google ќе го користи за да ве следи и да ви прикажува реклами и пак ќе бидете Scroogled.

„Chromebooks апликациите се веб базирани, ако немате интернет конекција тогаш е цигла … Не е вистински лаптоп, нема Windows ниту Office… “, вели рекламата.

Нападот на Chromebook можеби е и логичен со оглед на тоа дека пред се поради ниската цена се на врвот на листата на прoдадени уреди на Amazon. Иако останува нејасно дали е вистина дека со Chromebook нема да стигнете никаде, се чини дека Microsoft ќе направи далеку подобра работа ако започне да обрнува внимание што велат нивните корисници, бидејќи е Scroogled кампањата трае веќе подолго време, а не изгледа дека работите се поместуваат во вистинска насока за Microsoft.

[youtube]-y2mqoDjQXI[/youtube]